افضل منتجات استخدمتها ❤

يا اهلن , حيل اشتقنا ❤

من بعد ضغط الدراسه والتعب والكرف ربي يقدرني واعوضكم عن التدوينات 

اللي وعدتكم فيها من قبل وما كتبتها وبالنسبه لتدوينة الحواجب بعد ما سويتها جتني سفره فجأه 

وبعدها بفتره كل التدوينه والصور اللي بالكام اختفت !

فـ انشغلت بكثير اشياء وماقدرت ادون واعيد التصوير 

وهنا في جزء عن الحواجب طبعاً ورح يكون في جديد ان شاء الله ❤

مشترياتي اخر فتره تقييمي لها , جمعتها لكم كلهم واستخدمتها كلها عشان ما اظلم أي منتج ,

وطبعاً هذا رأيي الشخصي يمكن عجبتني ماتعجبكم وو الخ 

وبسم الله :

  1- NAKED2

 اللي ما اعتقد أي حد ما سمع فيه !

الوانه شدتني اكثر وهذا سبب اختياري له ناويه اشتري الاول والثالث منه ان شاء الله 

مع ان ما كان ميولي للاي شدو قبل بالميك اب الا بالناسبات الكبيره لانه يعطي فخامه اكثر 

ف كنت استغني عنه , من بعد نيكد صار من اساسياتي ❤

الوانه تناسبني لانها تشمل كل انواع الميك اب من يومي وناعم 

وو

وغيري أكيد تكلمو عنه بشكل ادق واكيد 10/10 

كـ الوان وثبات واكيد ماستغني عن البرايمر اللي معه ❤

طلبته ن تاجره من الاحساء بـ 310 ريال

2- بيوتي بلندر 

استخدامها افضل بكثير من الفرش لان الفرش تطلع خطوط ولو بشكل خفيف

ارتحت بأستخدامها بتوزيع الفاونديشن وتوزيع الكونسيلر والكونتور 

وبالذات الكونسيلر اذا جيت اطبطب عليه فيها افضل من الفرشه او اصبعي .

وباقي اشتري الغسول تبعها ❤

هي تجي صغيره مره ابللها ويه واضغط عالاسفنجه عشان تطلع المويه 

ويصير حجمها كبير وانتظرها تجف دقيقتين وابدأ بأستخدامها 

اشتريتها بـ 80 ريال من نفس التاجره 

3- برايمر Nxy :

لونه بيج , يثبت لي الاي شدو لمده طويله واحط منه طبقه خفيفه 

عشان ما يكتل لي الاي شدو 

كنت دايم اروح ما اشوفه ودايم اشوف الناس تطلبه اون لاين لانه 

يخلص بسرعه من حسن حظي رحت باصدفه شفته بسنتر بوينت ومتواجد بكثره بعد ❤

ناسيه سعره .

درجته : ESB03

4 – بلشر Nxy :

لونه كثير حلو ويظل ثابت لمده طويله وسمعت انه مشابه 

لبلشر من ماك بالضبط بس من الدرق ستور 

ناسيه سعره 

درجته : PB17

5- باودر BANANA من Ben Nye :

الباودر المشهوره وكثير ميك اب ارتست ومشاهير يستخدموها

واشوف انها أساسيه بالميك اب 

تثبت الميك اب وتنور المنطقه , استخدمها اكثر حاجه فوق الكونسيلر ع العين 

عشان تنور لي المنطقه وتثبت الكونسيلر 

عيبها علبتها اذا جيت احط منها احط بكفي شي بسيط عشان ما ينزل منها كثير وما اقدر ارجعه العلبه

واوزعه بالفرشه واطبطب وما اكثر عشان ما تطلع لي نتيجه عكسيه 

واوقات اوزعها ع كامل الوجه لان مالها لون تاخذ ع لون الفاونديشن ❤

سعرها ومكانها ماعرف جتني هديه والحجم اللي معي الحجم الصغير وتظل معي وقت طويل برضو ❤

6 - أضاءة سوفت اند جنتل من ماك :

أضاءه معدنيه , استخدمها كـ هايلايت بأصبعي واخذ كميه قليله جداً لان زيادتها 

تطلع الشكل غير مقبول , احطها على عظمة الخد واحياناً ع الانف بشكل خفيف 

وتبقى معك فتره طويله لان استخدامها كـ هايلايت خفيف ❤

سعرها : 148 ريال 

7 - روج من ايلف :

روج مطفي اوقات استخدمه لحاله واوقات بعده قلوس 

يدوم ساعه تقريباً

درجته tea rose 

بـ 30 ريال

من تاجره .

سواتش :

8 - بلشر من the balm :

من المجموعه الجديده ❤

استخدمه عالاغلب بالجامعه عشان لونه ❤

ثابت لمده طويله 

درجته : Swiss Dot 

بـ 140 تقريباً .

من تاجره 

سواتش " اللي ع اليمين " 

9- باودرة الحواجب من بودي شوب :

اخذت المره هذي الدرجه الفاتحه ❤

انا فيني هوس عليها مدمنتها وابد ما استخدم اي حاجه ثانيه غيرها 

وأي حد يسألني وش أفضل حاجه تستخدميها لحواجبك تكون جوابي ❤

ما أفكر اقتني غيرها حتى مستقبلاً 

استخدم معها فرشة ريل تكنيك للحواجب

كانت 49 ريال 

الحين بالسبعين !

درجتها 02

ماسكرا تفتيح الحواجب من elf :

اشتريت الدرجه الفاتحه بمستوى ماسكرا ماك واشوفها افضل لانها بدون قتلر 

وثابته ❤

اسخدمها بعد ما ارسم حواجبي بالباودره عشان اكثفهم

واذا لمناسبه احط بعد الباودر شي بسيط كونسيلر وامشط حاجبي فيها 

ويطلع فيه قتلر شوي بسبب الكونسيلر !

وما تخلي الحاجب قاسي وتطلعه اكثر طبييعه اكيد بقتنيها مره ثانيه ❤

الناحيه الشفافه منه يقولون قبل الماسكرا عشان ييكثف الحاجب وهو شوي مائي ماستخدمه 

احسه يخرب الحاجب قبل الباودر .

بـ 30 ريال 

الدرجه : لايت 

من تاجره .

ووصلنا لاخر البوست ويارب غطيت تغطيه كامله ع كل المنتجات ❤

وبالنسبه لفرش ريل تكنيك مرتاحه كثير بأستخدامهم وحبيتهم 

وما تكلمت عنهم لان كثير بلوقرز تكلمو وخذو حقهم ❤

وكل المنتجات اللي ذكرتها راضيه عنهم تماماً وأفكر اشتريهم اذا خلصو اكيد .

والتاجرات اللي تعاملت معهم :

Sara shop : اشتريت منها بلشر ذا بالم وماسكرا وروج ايلف ❤

حسابها بالانستقرام :

 @soshop 

Rosy Shop : نيكد و بيوتي بلندر وفرش ريل تكنيك الخاصه للعين 

حسابها بالانستقرام:

@rosy_shop1

عالم التسوق : فرش ريل تكنيك مجموعة الوجه 

حسابها بالانستقرام : 

@3almaltsoq

اشوفكم في بوست اخر بأذن الله ❤❤

"واعتذر على اي خطأ املائي ما انتبهت له "

How to Lighten your Eyebrows ?

 

 

 

 

 

 

 

 

 

 

 

 

 

 

 

 

 

مرحبا ❤

 

بووست اليوم سريع وخفيف ان شاء الله ❤

حابه احكي عن طريقة تفتيح الحواجب ..

طبعاً الاغلبيه يعرف ان لم نصبغ الشعر بلون فاتح طبيعي يكون لون الحواجب افتح من الشعر  بدرجه الى درجتين ممكن , عشان م يكون في بشاعه بالمنظر وتناقض تخيلي شعرك اشقر فاتح وحواجبك لونها اسود ؟ مو مقبول الشكل صح ؟

وبرضو مو حلو الشعر حالك بالسواد وحواجبك افتح

حلو يكون اللون متزن ومتناسق , نقطه مهمه ضروري ننتبه لها

 .

 

هذي امثله بسيطه :

 

 

 

 

 

 

 

كلهم غلطو غلطة شنيعه خلت منظرهم بشع

ضروري ننتبه لهالشغله ولا بلاها نصبغ ونخلي انفسنا مضحكين ;p

وعندنا هنا اليسا ❤❤

تأسرني هالانسانه بكل لوكاتها وطلاتها متميزه ومتألقه ❤

لون حواجبها دائماً متناسق مع شعرها يا يكون متساوي باللون

او افتح بدرجه وواضح طبعاً كمية الجمال بهالشي ❤

عندنا طريقتين نفتح فيها الحاجب :

1-      الميك اب

2-      صبغ الحاجب بلون افتح او استخدام صبغة " مفتحه " 

من فتره صبغت شعري بني وطبيعة حاجبي اسود عجبتني مره نتيجه لون شعري

بس اشوف شعري بدون حواجبي لان الشكل العام يعطيني X

ما كنت ابي اشوف وجهي ولون حواجبي كذا لاني تلقائي بقول لون شعري مو مناسب !

فـ رحت ع طول عشان اشتري صبغة حواجب " مُفتحه "

 

صبغة Refectocil

 

 

ممكن بعضكم يعرف صبغة الحواجب هذي ميزتها تصبغ الشعر م تصبغ الجلد ومخصصه للحواجب

لطيفه وخفيفه ع الحاجب

في منها درجات ومو مره غامقه تخلي الحاجب طبيعي .. متواجده في صيدليه النهدي سعرها حول ال13 ريال

طبعاً الصوره من النت انا اللي عندي مكتوب عليه

" معجون تفتيح لون الحواجب "

" أشقر "

يعني مخصص لتفتيح الحواجب مو صبغه تغير اللون وبس

بالبدايه استخدمت بني فاتح وما احس جاب نتيجه صبغ لي الحاجب ومافتح  الشعر عطاني كثافه ولون خفيف

وقلت اجرب افتح درجه ولقيت ان في علبه مخصصه للتفتيح .

داخل  الكرتونه 4 اظرف كل ظرف مقسم لظرفين

لأربع استخدامات ناخذ الظرفين ونخلطهم سوا ونبدأ بسم الله ..

نخلطهم كويس لم نحس انهم تجاانسو سوا ونكون قد نظفنا وازلنا من الحاجب أي حاجه سواء بودره او قلم او غيره ..

نبدأ بتلوين الحاجب من اليمين لليسار واليسار لليمين عشان نكون غطينا الشعره من كل النواحي

وما نمشي بأستقامه انا مشيت ع الشعر كله حتى اللي مشقرته لانه عموما يفتح م رح يصبغ ويخرب علي

التشقير او الرسمه .

كل 5 دقايق كنت اشيك عاللون عشانن م يفتح اكثر من الازم ..ظليت 20 دقيقه ومسحته بقطنه مبلوله بمويه .

وصلت للون اللي ابيه صار اللون افتح من شعري بدرجه تقريباً مره حبيت اللون وحبيت النتيجه وكانت جميله

 

وهنا طريقه باليوتيوب كيفية تفتيح الحواجب :

هنا.

حاجه ثانيه سويتها اللي صبغ مثلي واللي مو حاب يغامر ويصبغ ويسويها

بالطريقه الاسهل والمؤقته الا وهي تفتيح الحواجب بالميك اب ,

انا دائما استخدامي لبودرة الحواجب من بودي شوب وعندي الدرجه الغامقه

الاسود – البني الغامق

 

 

ما قد جربت الاسود لانه يعطي قساوه للعين وماحبيت

استخدامي الدائم للبني وبرضو البني بهالحاله غامق علي !

بعد ما استخدمت الصبغه حبيت اعطي كثافه لحاجبي بالحالتين سواء صبغت او ما صبغت رح اعملها

 

3 حاجات محتاجتها عشان اوصل للوك المطلوب :

بودرة الحواجب , كونسيلر , فرشاة ماسكرا نظيفه

انا معي فرشاة مخصصتها للحواجب .

 

 

 

 

 

رح اشرح الطريقه بشكل بسيط دورت فيديو بالليوتيوب للاسف مالقيت لو تطبقون الطريقه م رح تصعب عليكم مره سهله ومريحه .

 

1-      رح نرسم الحاجب بالبودره او القلم مثل م حنا متعودين

2-      نحط نقطتين بمعنى نقطتين من الكونسيلر على فرشاة الماسكرا ونحاول مانكثر ابدا

3-      نمشط الحواجب من تحت الى فوق بالفرشاة ونحاول نمشي ع الشعر كله

 

ورح تكون النتيجه حاجب طبيعي مناسب مع لون شعركم ❤

اهم حاجه تتجنبو انكم تزيدون الكميه من الكونسيلر لانه رح يفتحها مره بتطلع مو حلوه

يعني اقل كميه ممكن تحطونها والنقط ههذي تكفي وتفي بالغرض

وانتم جربو لم تضبط معكم ويصيير حاجبكم ف السليم ❤

 

 

ورح يكون لي بوست ثاني اعمق من كا عن الحواجب واعرف كل مره اوعدكم واتأخر

بس لم احس نفسي كتبت البوست بشكل يشمل كل حاجه وبأذن الله رح انزله ❤

باي باي ❤