-
كيف نزيل الميك اب !
يمكن اللي رح اتكلم عنه اليوم بالبوست شي متكرر وكل وحده لها طريقتها
الخاصه ..
طيب انا رح اكتب لكم طريقتي اللي مرتاحه عليها
وممكن تفيد اللي للسى م لقت لها طريقه ريحتها
طبعاً كلنا نعرف المشاكل اللي ممكن تصير لبشرتنا
لو اهملناها او خلينا الميك اب عليها او م ازلناه بشكل الصحيح !
و انا مو مع اللي تكتفي بالفازلين او تكتفي بالمويه بس !
الفازلين ممكن يزيل بس لازم تمسحين بقوه عشان يزيل مثل م انتي حابه
وهذا مو كويس للبشره لان لازم
نراعيها ونمسح بخفه
والمويه م تكفي انها تزيل الميك اب بالكامل !
نبدا بسم
الله ..
من اليمين
:
1- غسول جونسون مره لطيف ع الوجه
2- غسول ب فيتامين E من بودي شوب
3- فرشة للوجه استخدمها مع الغسول من بودي شوب
4- مرطب للوجه بفيتامين E من بودي شوب
5- مياه معدنيه
6- مزيل مكياج من "Clean & Clear "
7- مرطب Lipobase قوامه ثقيل ومره كويس للبشره الجافه وغير معطر
8- مويه ورد واللي عندي مخصص للبشره
9- لوشن تنظيف Clean & Clear " "
10- قطن
اول حاجه اسويها ازيل الميك اب من تحت لفوق بمزيل كلين اند كلير
واخلي عيوني اخر شي لان العيون حاله خاصه ومحتاجه امسح الميك منها
بعنايه
اذا جينا للعيون نحاول م نمسح بقوه لان العين اكثر منطقه خفيفه وحساسه
!
ونمسحها من فوق لتحت بخفيف !
مع اتجاه نمو الرموش ,
ومانخلي الحواجب طبعا لان اذا بقا فيها برضو عليها ضرر تساقط واشياء
مو حابينها L
ثاني خطوه ابلل قطنه من لوشن التنظيف "كلين اند كلير "
يحرق شوي بس ينظف من قلب ورح تشوفين ان مزيل الميك اب
مو كافي انه يشيل اللي بداخل بشرتك
ولا تمرريها على العين لاني احسه مره قوي على العين ولا الحواجب !
عشان م يسبب تاقط لحواجبك ,
ومكتوب عليه انو عادي لو م غسلتي وجهك بعده بس ولو الافضل نغسله ةنحس
ان وجهنا نظف كويس
ثالث خطوه اغسل وجهي بالغسول واحد من الاثنين سواء اللي من بودي شوب
او جونسون
طبعا كل وحده على حسب اللي يناسبها ممكن انتو تستخدمو من شركات ثانيه
ومناسبكم
واستخدم الفرشه الصغيره بشكل دائري على وجهي تقريبا 3 دقايق
تلقائي رح يتغير لون الفرشه !
واي حاجه تعمليها ل وجهك اعمليها ل رقبتك عشان مستقبلا م يطلع وجهك
لون ورقبتك لون ثاني J
اغسلي وجهك بمويه بارده ومرري ثلجه !
او عندك بديل ثاني بالنسبه لي احط من المياه المعدنيه او مويه الورد
و انا مخليتهم بالثلاجه عشان
يبقون لي باردين
والخطوه هذي مهمه جدا جدا عشان المسام المفتوحه تتسكر
المياه المعدنيه مره احبها تنعش بشكل !
وتحسين تجدد خلايا بشرتك شي اساسي عندي استخدمها دايم
واستخدمها بديل للتونيك احياناً
اخر خطوه هي الترطيب ارطب ب أي واحد من المرطبات اللي استخدمها
والاهم الاهم عيوني ارطبها وبعدها احط الروول من غارنييه عشان الهالات
وبكذا بشرتنا تكون صحيه ومافيها ولا نقطه ميك اب ننام وحنا مرتاحين ومو
شايلين هم حبوب
ومشاكل لبشرتنا J❤
اتمنى البوست عجبكم وافدتكم لو قليل
ليست هناك تعليقات:
إرسال تعليق