لشعر طويل وصحي❤️

 

 

 

 

السلام عليكم ورحمة الله وبركاته ..

 

من فتره كنت اعمل المستحيل عشان اطول شعري وابيه يرجع لكثافته

جربت اشياء كثير " حنا – سدر – زيت الحلبه لوحده – وجنين القمح – زيت اللوز "

ما شفت فايده واضحه يمكن لان جتني فتره تغذيتي كانت سيئه نوعا ما او بالاصح

كثير ;D

قالت لي قريبتي عن خلطه كانت ماخذه الطريقه من وحده بدويه  وكانت شايفه نتايجها ع شعر بناتها

كثافه كثافه وطول ما شاء الله ..

تحمست مره ع المدح اللي سمعته منها وقلت اجرب ليش لا لان مكوناتها طبيعيه وكلها

فايدتها للشعر مره معروفه وكويسه

ابتديت استخدمها قبل رمضان بـ اسبوعين لنهاية رمضان ..

طبعا لاحتوائها على الصبار لا يصح استخدامها مده طويله

يعني اعملي كميه تكفيك شهر ونص فقط واذا زادت وقفي استخدامها ..

 

ايش لاحظت بعد استخدامها؟

قلت نسبة التساقط بنسبة 20%

" نتيجه مو واضحه وماتفرح كثير ;P "

صار شعري اكثر ليونه بعد الكرف والتعب اللي انصدم فيه لفتره !

طال تقريبا قد طول اصبع يمكن 6 سم ..

وبشكل ملحوظ .

 

الكل لاحظ  وما كنت استشوره دايم عشان اشوف فرق بعد فتره .

الحمدلله حسيت بتحسن بطوله بعد ما وقف طوله او كان يطول بشويش .

وبيكون لي استخدام  ثاني له اكيد بنفس الفتره اللي استخدمته  فيها

 

نبدا بـ طريقته ومكوناته :

 

" حلبه – الصبار الطويل – زيت جوز الهند الاصلي (النارجيل) "  

 

 

 

 

 

 

طريقته فيها تعقيد شويه بس بـ ابسطها قد ما اقدر وبنزل لكم فيديو لوحده عامله  نفس الطرييقه بس غير عن طريقتي

هي اضافت اشياء ومدتها اطول وكلاممها طويل ;D

 بس بنزله لكم عشان طريقة الصبار ..

اول حاجه الصبار تلاقونه بالعطار نحتاج اللي فيه جل داخله تجيبو سكين

وتقسموها بالنص بحيث يكون في تجويف لا توصلوها للنهايه وتقسموها كلها

محتاجين تكون مسكره بالطرف الثاني عشان تكون محشوه بالحلبه

جيبو الحلبه واحشو الصبار فيها وخلوها تكون مليانه

خلوها بـ " خيش رز "فاضي طبعا ولفوها بمكان بارد وجاف لو بالغرفه يصير

مو ضروري عند الشمس ..

كل يوم تسقوها مويه وترجعو تلفوها

لمدة 3 ايام بس لا تزيد عشان م تخرب الحلبه وتعفن ..

هنا رح تزرع لنا حلبه جديده وفرش !

بيطلع مثل الابيض من حبوب الحلبه ,

وتكون مشبعه من الصبار

بكذا نكون انتهينا من الخطوه الاولى ونروح للخطوه الاخيره .

 

الخطوه الثانيه تفرغو الحلبه كلها وجل الصبار بخلاط

وتضيفو زيت جوز الهند الاصلي " النارجيل اللي بعلبة حديد "

وتخلوهم بالخلاط يتجانسو ..

بكذا نفرغ الزيت بعلبه سواء علبه زيت فاضيه او قارورة مويه (:

استخدامه من مرتين الى ثلاث مرات بالاسبوع لمده شهر ونص .

ومن ساعه الى ساعتين ونص

 

 

هنا طريقة وحده باليويتوب :

Part 1 :

http://www.youtube.com/watch?v=wos3prglZeM

 

part 2 :

http://www.youtube.com/watch?v=Rfi8SMtmgHs

 

-  م ننسى المويه مو اقل من 8 كاسات تعادل 2 لتر يومياً .

-  وتغذيه سليمه لنتائج سريعه وافضل

- استخدام شامبو طبيعي لعدم تضرر الشعر سواء فتره استخدامه او على طول

" شامبو الاطفال – جوز الهند من بوتس – اوتاسي نزلت صوره له بالانستقرام من مشترياتي الاخيره "

كها طبيعيه وغير ضاره وفي كثير غيرهم بس هذا اللي استخدمتهم ومرتاحه عليهم .

 

كل حاجه تعتمد ع تغذيتنا والمويه م رح تلاقون نتيجه مرضيه الا بالاعتماد

ع العناصر هذي .

 

دمتم بسعاده ❤️❤️